Cüdoçumuz beynəlxalq turnirdə qızıl medal qazanıb

Nəşr edilib 03.04.2018 11:29 |

| Baxış sayı: 1758

Dağıstan Respublikasının Dərbənd şəhərində Rusiya Federasiyasının əməkdar məşqçisi Sadiq Abdulovun xatirəsinə həsr olunmuş cüdo üzrə beynəlxalq turnir keçirilib.
Turnirdə Naxçıvan Muxtar Respublikası Güləş Federasiyasının yetirməsi də iştirak edib. Belə ki, 2003-2005-ci il təvəllüdlü idmançılar arasında keçirilən yarışda federasiyanın yetirməsi Əli Əlizadə tatami üzərinə çıxıb.
60 kiloqram çəki dərəcəsində mübarizə aparan cüdoçumuz keçirdiyi bütün görüşləri qələbə ilə başa vuraraq, turnirin qalibi adını qazanıb.
Sonda qalib idmançılarımıza təşkilatçılar tərəfindən diplom, medal və kubok təqdim edilib.