Naxçıvan Muxtar Respublikası

Güləş Federasiyası

Naxçıvanlı güləşçilərdən uğurlu nəticə

Nəşr edilib 24.05.2022 11:55 | Çap | E-mail | Baxış sayı: 188

Çimərlik güləşi üzrə ilk Azərbaycan çempionatına yekun vurulub. Yarış U-17, U-20 və böyüklər arasında keçirilib. Avropa Oyunları Parkında keçirilən çempionatda ümumilikdə 8 çəki üzrə 160-dan çox güləşçi iştirak edib.

Naxçıvan güləş məktəbinin yetirmələrindən Vüsal Əliyev (U-17, 70 kq) və Hüseyn Əliyev (U-20, 70 kq) çempionatda uğurlu nəticəyə nail olublar. Əliyev qardaşlarından Vüsal öz yaş və çəki kateqoriyasının qalibi kimi ölkə çempionu adına layiq görülüb. Hüseyn isə ikinci olub.
Çempionatın keçirilməsində məqsəd çimərlik güləşində kütləviliyə nail olmaq və müvafiq yığma komandaların tərkibini formalaşdırmaqdan ibarət olub.