İdmançılarımız daha iki medal qazanıb

Nəşr edilib 05.02.2019 06:14 |

| Baxış sayı: 2516

Naxçıvan Muxtar Respublikası Güləş Federasiyasının yetirmələri daha bir uğura imza atıblar.
Belə ki, 31 yanvar - 1 fevral tarixlərində İran İslan Respublikasının Təbriz şəhərində yeniyetmələr arasında cüdo üzrə turnir keçirilib. Bu turnirdə muxtar respublikanı 50 kiloqram çəki dərəcəsində Abbas Məmmədov təmsil edib. İdmançımız bütün rəqiblərinə qalib gələrək qızıl medal qazanıb.
1-3 fevral 2019-cu il tarixlərində isə Bakı Əl Oyunları Sarayında gənclər arasında sambo üzrə ölkə birinciliyi keçirilib. İdmançımız Abdulla İsmayılov 100 kiloqram çəki dərəcəsində fəxri kürsün ən yüksək zirvəsinə qalxıb.